Cariyos Ramana yaiku cariyos Sang Rama ingkang mrentah Kerajaan Kosala,
ing sisir lor Lepen Gangga , ibukotanipun Ayodhya. Cariyos Ramayana diwiwiti
saka Kisah Prabu Dasarata kang gadhah 3 garwa yaiku Dewi kosalya, Dewi Kekayi,
lan Dewi Sumitra. Dewi Kosalya gadhah putra ingkang asmane Rama. Dewi Kekayi
putra Bharata. Sanajan Dewi Sumitra nggadahi putra kembar yaiku Lakhsmana lan
Satrugna.
Wonten ing satunggaling dinten, Rsi Wiswamitra nyuwun pitulungan dhateng
Rama supados ing tapa mboten wonten gangguan saking para buta. Rsi wiswamitra,
Rama lan diirngi Lakhsmana kesah wontening alas. Ing radinan, Rama lan
Lakhsmana diwenehi ilmu kerohanian saking Rsi Wiswamitra. Ing sadawaning
radinan, Rama lan Lakhsmana mejahi para buta ingkang ngganggu upacarane para
Rsi. Nalika langkung mithila, rama tumut sayembara kang dianakake Prabu Janaka.
Rama menang lan gadhah Sinta kangge didadosaken garwa. Sinta iku putrinipun
Prabu Janaka. Dewi Sinta dibekta rama menyang Ayodhya, diiringi Lakhsmana.
Prabu Dasarata kang sampun sepuh, badhe ndadosaken Rama raja. Nanging
panyuwune Dewi Kekayi , kang Prabu maringi tahta dhateng Bharata. Bharata
kepengin Rama dados raja. Nanging Rama mboten purun, malah ninggalake kerajaan
lan luwih milih gesang wonten ing alas ka;iyan garwane. Salajengipun kang dados
mrentah Kerajaan Kosala yaiku Bharata.
Wonten ing tengahing alas, Rama lan Lakhsmana kepanggih kaliyan buta, ing
antarane Surpanaka. Jalaran Surpanaka gadhah dendam dhateng Rama lan Lakhsmana
grananipun tatu dening pedange Lakhsmana. Surpanaka ngadu dhateng Rawana menawi
piyambakipun disiksa. Rawana jengkel lan kepengin balas dendam. Rawana nekani
Rama kaliyan Lakhsmanaa banjur ngangge tipu muslihat, Dewi Sinta diculik dening
Rawana. Jatayu kang arep nolong mboten saged, saengga piyambakipun gugur.
Rama ingkang mangertosi menawi garwanipun diculik, banjur nggoleki Rawana
menyang Kerajaan Alengka saking petunjuk Jatayu. Wonten ing dalan, rama
kepanggih kaliyan Sugriwa, Sang Raja Kiskindha. Jalaran pitulungan sang Rama,
Sugriwa saged ngrebut Kerajaan saking rakanipun, subali. Kangge balas jasa,
Sugriwa mbelani sang Rama dibantu kaliyan Hanuman lan ewunan wanara kangge nggempue Alengka.
Rawana ingkang mangertosi kerajaanipun diserang, ngutus bala kaliyan
putranipun Indrajit kangge nyerang Rama. Nasihat Wibisana (rayinipun) mboten
digatekna lan malah piyambakipun diusir. Akhiripun Wibisana mbelani Rama.
Indrajit nguculaken gaman nagapasa lan nampa
kamenangan nanging mboten lami. Indrajit seda ing asta Lakhsamana. Sesampunipun
bala lan para patihipun seda siji-siji, Rawana datheng marang perang iku.
Ngangge panah Brahmasastra ingkang sakti, Rawana seda dados ksatriya.
Salajengipun Rawana seda, tahta Kerajaan Alengka diparingin marang
Wibisana. Rama, Sita lan Lakhsmana dhateng wonten ing ayodhya. Hanuman ngabdi
marang Rama. Nalika dhateng ing Ayodhya, Bharata nyambut Rama, Sinta lan
Lakhsmana kaliyan takzim lan penyerahan tahta saka Bharata marang Rama.
No comments:
Post a Comment